Քթի արյունահոսություն. շտապ օգնություն

Քթի արյունահոսությունը առավել տարածված արյունահոսության տեսակն է, որն առաջանում է վնասվածքների բացակայության դեպքում:

Քթի արյունահոսության հակումը հաճախ որոշվում է լորձաթաղանթի անատոմիական անհատականությամբ, մասնավորապես անոթների թվով և տրամագծով, դրանց տեղակայման խորությամբ:

Քթի արյունահոսությունը կարող է լինել ինչպես քթանցքի լորձաթաղանթի վնասման (օրինակ, դրա չորացման) հետևանք, այնպես էլ ներքին օրգանների լուրջ հիվանդությունների դրսևորում, որն ուղեկցվում է անոթների վնասվածքներով և արյան մակարդելիության համակարգի խանգարումներով:

Ուշադրություն

Անհրաժեշտ է իմանալ, որ քթի արյունահոսությունը հնարավոր է քթի ինչպես խորքային, այնպես եզրային խոռոչներից: Մանուկ հասակում առաջացած քթի արյունահոսության մեծ մասը լինում է քթի եզրային խոռոչներից և դա տեղի է ունենում քթի միջնապատում գտնվող անոթային վնասվածքի պատճառով:
Մանուկ հասակում քթի խորքային խոռոչից առաջացող արյունահոսությունը հազվադեպ, բայցև միշտ վտանգավոր երևույթ է:

Ախտանիշներ, որոնք կարող են ծնողներին հուշել՝ արյունահոսությունը սկսվել է խորքային, թե՞ եզրային խոռոչից:

  • Քթի եզրային արյունահոսությունը գրեթե միշտ լինում է միայն մեկ քթանցքից:
  • Քթի խորքային արյունահոսությունը գրեթե միշտ լինում է երկու քթանցքից:

Հաճախակի կրկնվող արյունահոսությունը միանշանակ առիթ է բժշկի դիմելու համար:

 

Խորհուրդ չի տրվում հետաձգել բժկին դիմելը, եթե.

  • արյունահոսությունը չի դադարում 20 րոպեների ընթացքում (ներքոնշյալ խորհուրդներին հետևելուց հետո),
  • քթի արյունահոսությանը զուգահեռ կա նաև այլ արյունահոսություն (ականջներից, միզուղիներից և այլն),
  • կա արյունահոսություն երկու քթանցքից, միաժամանակ:

Անհրաժեշտ խնամք.

  • Նստեցրեք երեխային՝ ուսերը մի փոքր առաջ բերելով,
  • մատներով սեղմեք քթի այն կետի վրա, որը նշված է նկարում և պահեք այն սեղմած՝ մոտ 10 րոպե,
  • քթի վրա սառը որևէ բան դրեք,
  • ողողեք բերանը սառը ջրով,
  • եթե 10 րոպեից արյունահոսությունը չդադարի, ևս 10 րոպե սեղմած պահեք այն,
  • արյունահոսությունը, որը չի դադարում անգամ երկրորդ սեղմումից հետո, անհապաղ ունի բժկական միջամտության կարիք:

Քթի արյունահոսության դեպքում անհրաժեշտ է հետևել, որպեսզի երեխան.

  • չշարժվի,
  • չխոսի,
  • չհազի,
  • չփսխի,
  • արյուն կուլ չտա:

Քթի արյունահոսության ժամանակ և դրա դադարելուց 1-2 ժամվա ընթացքում ցանկալի է, որպեսզի երեխան շնչի բերանով: 3-4 ժամ անց խորհուրդ է տրվում խուսափել ֆիզիկական ծանրաբեռնվածությունից:

Կանխարգելում 

  • Կանխել քթի լորձաթաղանթի չորացումը: Պահպանել մաքուր սառը և խոնավ օդ (հատկապես ննջասենյակում): Օպտիմալ ջերմաստիճանը՝ 18-20 С, հարաբերական խոնավությունը `50-70%:
  •  խոնավեցնել քթուղիները աղային լուծույթով (օրինակ՝ ֆիզիոլագիական լուծույթ)՝ ինչպես կանխարգելման, այնպես էլ սուր շնչառական վարակներից խուսափելու նպատակով:
  •  սովորեցնել երեխաներին՝ պահպանել քթի համապատասխան հիգիենիկ խնամք (համապատասխան թաշկինակի միջոցով):

     Տվյալ նյութը չի փոխարինում բժշկական խորհրդատվության: Բարդություններից խուսափելու համար ` վերոհիշյալ խնդիրների առաջացման դեպքում, անհապաղ դիմեք բժշկի:

01/12/2017 | Navak | 6 ամսեկան +