Ի՞նչ անել, եթե ջերմաչափը կոտրվել է

Ի՞նչ անել, եթե ջերմաչափը կոտրվել է

Սնդիկը միանշանակ չափազանց վտանգավոր հատկություն ունի և այն, հատկապես, վտանգավոր է հենց մարդու օրգանիզմի համար:

Անհրաժեշտ է իմանալ, որ սնդիկի գոլորշիացումը տեղի է ունենում 18 °С –ից բարձր ջերմաստիճանի դեպքում, ուստի որքան տաք է այն սենյակը, որտեղ ջերմաչափը կոտրվել է, այնքան ավելի արագ է պետք գործել:

Սենյակում անհրաժեշտ է անհապաղ կազմակերպել օդի հոսք (միջանցիկ քամի): Որքան ավելի ինտենսիվ է այն, այնքան ավելի քիչ կլինի սնդիկի գոլորշու կոնցենտրացիան: Ոչ մի դեպքում չբարձրացնել սենյակի ջերմաստիճանը, այլ ընդհակառակը, միացնել օդորակիչը, անջատել վառարանը, այլ կերպ ասած՝ անել ամեն ինչ՝ սենյակի ջերմաստիճանը հնարավորինս նվազեցնելու համար: Դա կնվազեցնի գոլորշիացման ինտենսիվությունը:

Ինչպե՞ս հավաքել սնդիկը

Կտրականապես արգելվում է դիմել փոշեկուլի կամ թաց կտորի օգնությանը: Օպտիմալ է սկոտչի կամ լեյկոպլաստի օգտագործումը: Եթե սնդիկը հայտնվել է հատակի ճեղքում, այն կարելի է հեռացնել ներարկիչի միջոցով:

Դրանից հետո պատրաստել լուծույթ, որը կչեզոքացնի սնդիկի գոլորշին` 1 լիտր ջրի մեջ լուծել մոտ 40 գրամ քերած լվացքի օճառ և 50 գրամ սոդա, (կամ մանգան) և լցնել դա այն հատվածներում, որտեղ կարող էր «կորչել» սնդիկը:

Ի՞նչ անել սնդիկի մնացորդների հետ և ինչպե՞ս կատարել վերջնական չեզոքացում

Այս մասին կարող եք իմանալ, եթե զանգահարեք ձեր շրջանային սանէպիդկայան: