4 թյուր տեղեկություն հակաբիոտիկների վերաբերյալ

1. Ազդում են վիրուսների վրա 

Վիրուսային վարակների դեպքում հակաբիոտիկները չեն գործում: Դրանք չեն օգնում և չեն նպաստում ոչնչին, բացի տվյալ հակաբիոտիկ միջոցները արտադրողների ու դրանք վաճառողների նյութական բարեկացությունն ապահովելուց:

2. Ունեն կանխարգելիչ ազդեցություն՝ վիրուսային 
վարակների դեմ

 Հակաբիոտիկոթերապիան ի վիճակի չէ նվազեցնել բակտերիալ բարդությունների հավանականությունը: Բարդություններ ամեն դեպքում առաջանալ կարող են, բայց դրանք պայմանավորված են այն բակտերիաներով, որոնք ի հայտ են գալիս դեղորայքի անհարկի օգտագործման դեպքում: Հետևաբար անհրաժեշտություն է առաջանում օգտագործել մեկ այլ դեղորայք, և այդ ՛՛մեկ այլը՛՛, որպես կանոն, ավելի թանկ է արժենում, քան նախորդը: 

3. Լինում են ուժեղ և թույլ 

Մենք հակված ենք կապելու դեղորայքի որակն ու արդյունավետությունը՝ դրա արժեքի հետ: Մարդիկ ցանկանում են հավատալ այն բանին, որ եթե ՛՛Ա՛՛ հակաբիոտիկը հարյուր անգամ ավելի թանկ է ՛՛Բ՛՛ հակաբիոտիկից, ապա դրա արդյունավետությունն էլ նույնքան անգամ բարձր է մյուսի արդյունավետությունից:

 Բոլոր թանկարժեք դեղամիջոցները օգտագործվում են միայն շատ լուրջ հիվանդությունների պարագայում և, բարեբախտաբար, ոչ հաճախակի դեպքերում, երբ կոնկրետ հիվանդությունը առաջանում է դեղորայքների օգտագործման արդյունքում առաջացած միկրոբներից, երբ վիճակն իսկապես այնքան ծանր է, որ զգացվում է արագ և շատ արդյունավետ բուժման անհրաժեշտություն:

4. ՛՛Գցում են՛՛  կամ թուլացնում դիմադրողականությունը

 Մերօրյա հակաբիոտիկ միջոցները ոչ մի կերպ չեն ազդում դիմադրողականության վրա: Այստեղ, ինչը մենք հաճախ շփոթում ենք, դեր ունեն միայն պատճառն ու դրա հետևանքը: Դիմադրողականության թուլացման վրա ազդեցություն կարող է ունենալ միայն հիվանդությունը, որն էլ հենց առիթ է դառնում հակաբիոտիկոթերապիայի նշանակման համար: