Կրծքով կերակրման ընթացքում դեղորայք օգտագործելու 8 կանոն

Կրծքով կերակրման ժամանակ դեղորայք ընդունելու կանոններն են՝ 

1.  Ինքնաբուժումը թույլատրելի չէ, ցանկացած դեղամիջոցի ընդունում պետք է լինի բժկի խարհրդատվությամբ, 
    
2.  Ոչ մի դեղամիջոց չի կարող բացարձակ անվտանգ լինել երեխայի համար, և որքան երեխան մանկահասակ է, այնքան ավելի ակտուալ է այս ցուցումը: Նորածին երեխայի դեպքում հատուկ ուշադրությունն առավել անհրաժեշտ է:
    
3.  Անհրաժեշտ է նախապատվությունը տալ առավել հայտնի և ուսումնասիրված դեղամիջոցներին,
    
4.  Օգտագործել նվազագույն թերապևտիկ դոզա,
    
5.  Մի մոռացեք այն մասին, որ բժիշկները՝ բացառությամբ ձեր մանկաբույժի և ընտանեկան բժշկի, կարող են և չիմանալ, որ դուք կրծքով կերակրող մայր եք: Անհրաժեշտ է նրանց հայտնել այդ մասին՝ նախքան դեղորայքը կնշանակվի:
    
6.  Ձեզ տրամադրված ցանկացած դեղորայք պետք է պարտադիր կերպով ներառի հրահագներ՝ օգտագործման համար (инструкция): Այս հրահանգներում պետք է լինի կետ, որը կմատնանշի, որ այն թույլատրելի է նաև կրծքով կերակրող մայրերին: Ընթերցեք և դրանից հետևություններ արեք:
    
7.  Հիշեք, որ որքան շատ լինի ընդմիջումը դեղորայքի ընդունման և կրծքով կերակրման գործընթացի միջև, այնքան քիչ կլինի դեղամիջոցի կոնցենտրացիան՝ արյան պլազմայի և, համապատասխանաբար, նաև կաթի մեջ: Այդ իսկ պատճառով, ընդունեք դեղարայքը երեխային կերակրելուց անմիջապես առաջ (կերակրման ժամանակ դեղորայքը չի հասցնի անցնել կաթի մեջ, իսկ մինչ հաջորդ կերակրումը արդեն անցած կլինի հնարավոր ժամանակի առավելագույն մասը):
    
8.  Վերջին և շատ կարևոր պայմանն է՝ մի հրաժարվեք բուժումից միայն այն պատճառով, որ կրծքով կերակրումը պետք է ժամանակավորապես դադարեցվի: Հիշեք՝ ձեր երեխան կարիք ունի առողջ և երջանիկ մայրիկի՝ նույնքան, որքան կրծքի կաթի: