Մարմնի ջերմաստիճանի բարձրացում. շտապ օգնություն

Անհապաղ դիմել բժշկի, եթե.

• հիվանդության 4-րդ օրը չկա առողջության բարելավում (հիվանդության 4-րդ օրը բարձր  ջերմությունը մնում է անփոփոխ),
• մարմնի ջերմության բարձրացումը պահպանվում է հիվանդության 7-րդ օրը,
• կարգավորումից հետո մարմնի ջերմաստիճանը կարճ ժամանակ անց (1-3 օր) հանկարծակի կրկին բարձրանում է,
• երեխան դեռ 3 ամսական չկա,
• մարմնի ջերմաստիճանը բարձր է 39,5°С-ից՝ թևատակի հատվածում,
• 39,0°С-ից բարձր մարմնի ջերմաստիճանը չի իջնում անգամ ջերմիջեցնող հաբեր ընդունելուց հետո՝ 30 րոպեների ընթացքում:

մարմնի բարձր ջերմաստիճանն ուղեկցվում է.

• ցանով,
• գլխացավով,
• սրտխառնոցով և փսխումով,
• մարմնի դողով և մաշկի գունատությամբ,
• ջրազրկման նշաններով (մաշկի և լորձաթաղանթի չորացում, չոր լեզու, առավել քան 1 ժամ չկա միզում, լացը չի ուղեկցվում արցունքներով):

Շտապ օգնություն.

• սենյակում պահպանել խոնավության (50—70%) և օդի ջերմաստիճանի  օպտիմալ պարամետրերը (18 °С),
• երեխային խմեցնել բավարար առատ քանակությամբ հեղուկ: Հեղուկի ջերմաստիճանը մոտավորապես պետք է հավասար լինի մարմնի ջերմաստիճանին,
• եթե մաշկը գունատ է, անհրաժեշտ է հագցնել տաք հագուստ, եթե մաշկը վարդագույն է, անհրաժեշտ է, որպեսզի հագուստը լինի հնարավորինս քիչ, բայց այնքան, որ երեխան չբողոքի ցրտից,
• մարմնի 39,0 °С-ից բարձր ջերմաստիճանի դեպքում, նույնիսկ եթե շնչառության խանգարումը թույլ է, անհրաժեշտ է օգտագործել քթի կաթիլներ,
• միայն մանկաբույժի ցուցումներով օգտագործել ջերմիջեցնող դեղորայք (լուծվող, կամ օշարակի տեսքով):

Չի կարելի.

• շփել երեխայի մարմինը ալկոհոլ կամ քացախ պարունակող հեղուկներով, 
• Անոթային սպազմից խուսափելու համար չի կարելի օգտագործել ֆիզիկական ջերմիջեցնող մեթոդներ՝ առանց բժշկի ցուցումների (տեղադրել սառը թրջոց, երեխային լողացնել սառը ջրով, փաթաթել խոնավ սրբիչներով և այլն):
   

Տվյալ նյութը չի փոխարինում բժշկական խորհրդատվության: Բարդություններից խուսափելու համար ` վերոհիշյալ խնդիրների առաջացման դեպքում, անհապաղ դիմեք բժշկի: