Ինչպես խաղալ՝Երեխային բացատրեք, թե ինչ է ստվերը և ինչպես է այն առաջանում։ Պատկերավոր ձևով ցույց տվեք, թե ինչպես են առաջացել խաղում ներառված պատկերների ստվերները։ Վերցրեք ցանկացած առարկա և փորձեք շրջագծել այն թղթի վրա։ Այսպիսով երեխան ինքնուրույն կստեղծի պատկերի եզրագիծ, ստվեր։
Խաղի մեջ առկա են բազմաթիվ պատկերներ։ Երեխայի հետ վերլուծեք այդ պատկերները։ Խոսեք պատկերի հատկությունների մասին՝ գույն, ձև, չափ, կիրառություն, ոլորտ։ Ապա նշեք որոշ հատկություններ և խնդրեք երեխային գուշակել, թե որ պատկերի մասին է խոսքը։ Գտնելուց հետո խնդրեք գտնել պատկերի ստվերը և ճիշտ տեղադրել այն։ Քարտերից ընտրեք ցանկացած 10-15 պատկեր և դրեք սեղանին։ Խնդրեք ուշադիր նայել և մտապահել քարտերը։ Ապա շրջեք և խնդրեք գտնել որևիցե պատկեր: Ճիշտ պատասխանի դեպքում քարտը մնում է երեխայի մոտ, սխալ պատասխանի դեպքում այն հետ է դրվում իր տեղը: Կարելի է նույնը խաղալ բարդ տարբերակով՝ օգտագործելով ստվերային քարտերը։ Երեխային խնդրեք հիշել ամբողջական ստվերային քարտը և վերհիշելով թվարկել բոլոր պատկերները։ Երեխային ցույց տվեք ստվերային քարտից մեկ պատկեր և խնդրեք թղթի վրա արտապատկերել այն՝ առանց պատկերին նայելու։Դրեք պատկերներով քարտերը սեղանի վրա և երեխային խնդրեք խմբավորել պատկերները ըստ որևէ հատկանիշի։ Օրինակ՝ առանձնացրու բոլոր կարմիր գույն պարունակող պատկերները կամ բոլոր ընտանի կենդանիներին։ Երեխային խնդրեք ընտրել մի քանի պատկեր և պատմություն հորինել դրանց մասին։ Երեխային ցույց տվեք 5-7 քարտ, խնդրեք, որպեսզի մտապահի դրանք։ Ապա երեխան պետք է փորձի վերհիշել և վերարտադրել այդ պատկերները։
Սեղանի վրա դրեք որոշակի հերթականությամբ շարված 7 քարտ։ Ժամանակ հատկացրեք երեխային հիշելու համար դրված պատկերների հերթականությունը։ Ապա խառնեք քարտերը և խնդրեք երեխային վերհիշել և նույն հերթականությամբ վերադասավորել պատկերները:
- Տոնական
- Խաղեր և խաղալիքներ
- Զարգացնող խաղեր
- Կոնստրուկտորներ
- Սպորտ
- Ուսումնական և գրենական
- Արվեստ և հոբբի
- Կերակրում և սպասք
- Պարագաներ
- Հիգիենա և խնամք
- Մանկական սենյակ
- Հագուստ և կոշիկ
- Տակդիրներ
- Սնունդ
- Դիտել բոլոր բաժինները
